Psa 31 | VulgJ | STEP | huic David intellectus beati quorum remissae sunt iniquitates et quorum tecta sunt peccata David eruditi beatus cui dimissa est iniquitas et absconditum est peccatum

Psalms 31

1 huic David intellectus beati quorum remissae sunt iniquitates et quorum tecta sunt peccata ^va 2 beatus vir cui non inputabit Dominus peccatum nec est in spiritu eius dolus ^va 3 quoniam tacui inveteraverunt ossa mea dum clamarem tota die ^va 4 quoniam die ac nocte gravata est super me manus tua conversus sum in aerumna *mea; dum configitur mihi spina diapsalma ^va 5 delictum meum cognitum *tibi; feci et iniustitiam meam non abscondi dixi confitebor adversus me iniustitiam meam Domino et tu remisisti impietatem peccati mei diapsalma ^va 6 pro hac orabit ad te omnis sanctus in tempore oportuno verumtamen in diluvio aquarum multarum ad eum non adproximabunt ^va 7 tu es refugium meum a tribulatione quae circumdedit me exultatio mea erue me a circumdantibus me diapsalma ^va 8 intellectum tibi dabo et instruam te in via hac qua gradieris firmabo super te oculos meos ^va 9 nolite fieri sicut equus et mulus quibus non est intellectus in camo et freno maxillas eorum constringe qui non adproximant ad te ^va 10 multa flagella peccatoris sperantem autem in Domino misericordia circumdabit ^va 11 laetamini in Domino et exultate iusti et gloriamini omnes recti corde

^va